Novy ŭrad Vialikabrytanii dazvoliŭ vykarystoŭvać brytanskija rakiety Storm Shadow dla ŭdaraŭ pa Rasii
Novy kiraŭnik brytanskaha ŭrada Kir Starmier, jaki prybyŭ u Vašynhton na samit NATA, zajaviŭ, što Ukraina moža vykarystoŭvać brytanskija rakiety Storm Shadow dla naniasieńnia ŭdaraŭ pa vajennych abjektach u Rasii.
10.07.2024 / 13:13
Rakieta Storm Shadow u Muziei Karaleŭskich VPS u Łondanie. Fota: Wikimedia Commons
Starmier u Vašynhtonie ŭ aŭtorak viečaram na samicie NATA paćvierdziŭ, što praciahnie palityku papiaredniaha ŭrada Vialikabrytanii pa vykarystańni zbroi dalokaha dziejańnia ŭ rasijska-ŭkrainskaj vajnie dla naniasieńnia ŭdaraŭ pa Rasii.
Adkazvajučy na pytańnie karespandenta Bloomberg, Starmier skazaŭ, što sama Ukraina vyrašaje, jak budzie vykarystoŭvać rakiety Storm Shadow, pradastaŭlenyja Vialikabrytanijaj.
«Siońnia, zaŭtra i paślazaŭtra my pavinny być razam z našymi sajuźnikami, abmierkavać na praktycy, jak my možam akazvać dalejšuju padtrymku Ukrainie i pasłać vielmi-vielmi jasny sihnał Pucinu, što my budziem supraćstajać rasijskaj ahresii, dzie b jana ni adbyłasia», — zajaviŭ novy brytanski premjer-ministr.