У Саудаўскай Аравіі знайшлі спосаб, як абараніць паломнікаў у Мекку ад 50-градуснай спёкі
У мячэці ў Меццы будуць усталяваныя самыя вялікія ў свеце складныя парасоны, прызначаныя для абароны паломнікаў падчас здзяйснення абрадаў хаджу, паведамляе Saudi Gazette.
10.07.2024 / 17:01
Гэтыя меры прымаюцца ў сувязі з рашэннем Саудаўскай Аравіі павысіць узровень бяспекі пасля леташняй трагедыі ў даліне Міна, дзе ў выніку цісканіны загінулі 2200 чалавек.
Інжынеры пачалі ўсталёўваць першы з васьмі высокатэхналагічных складных парасонаў, якія плануецца паставіць цягам найбліжэйшых шасці месяцаў. Кожны парасон будзе мець вышыню 45 метраў і важыць 16 тон.
Купал парасона будзе абсталяваны вялікімі гадзіннікамі, маніторамі з інфармацыяй для паломнікаў, кандыцыянерамі і камерамі назірання.
Усяго восем парасонаў закрыюць плошчу ў 2400 квадратных метраў. Акрамя таго, па ўсёй мячэці будуць устаноўленыя 54 невялікія парасоны.
Перыяд здзяйснення хаджу прыпадае на пачатак верасня, калі тэмпература можа дасягаць 50 градусаў.
Больш за 550 паломнікаў загінулі падчас хаджу з-за нечуванай спёкі. У Меццы зараз +51°С
Колькасць загінулых падчас хаджу паломнікаў ужо перавысіла 1000 чалавек
Беларус прайшоў пешшу 300 км з Партугаліі ў Іспанію. Вось навошта ён гэта зрабіў