Ukraina choča pravieści druhi samit miru z udziełam RF da vybaraŭ u ZŠA
Ukraina imkniecca pravieści druhi samit miru da vybaraŭ u ZŠA ŭ listapadzie, na hety raz z udziełam Rasii. Jak piša «Jeŭrapiejskaja praŭda», pra heta Bloomberg na ŭmovach ananimnaści paviedamili adzin ukrainski i niekalki zachodnich čynoŭnikaŭ.
11.07.2024 / 09:50
Pieršy samit miru prajšoŭ u Šviejcaryi 15-16 červienia. Fota: AP Photo / Laurent Cipriani
Ukrainski čynoŭnik paćvierdziŭ ahienctvu płan pravieści druhi samit da vybaraŭ u Złučanych Štatach.
U toj ža čas, adznačaje Bloomberg, niekalki čynoŭnikaŭ z zachodnich krain-sajuźnikaŭ zajavili, što lubaja sustreča pavinna być staranna arhanizavana, z dakładna vyznačanaj metaj i «kantralavanymi čakańniami».
Zrešty, niekatoryja amierykanskija čynoŭniki nie ŭpeŭnienyja, što samit z Ukrainaj i RF adbudziecca, ukazvaje ahienctva.
«Sproby arhanizavać sustreču napiaredadni vybaraŭ u ZŠA pakazvaje na adčuvańnie nieadkładnaści z boku Ukrainy, pakolki jana sutykajecca ź pierśpiektyvaj viartańnia Donalda Trampa ŭ Bieły dom», — havorycca ŭ materyjale.
Napiaredadni Zialenski zajaviŭ ab žadańni pravieści druhi samit miru jašče sioleta i vykazaŭ spadziavańnie na padtrymku ZŠA pa hetym pytańni.
Ministr zamiežnych spraŭ Ukrainy Dźmitryj Kuleba zajaŭlaŭ, što Kijeŭ nastrojeny na toje, kab druhi samit miru prajšoŭ u adnoj z krain tak zvanaha Hłabalnaha Poŭdnia.
Zialenski nazvaŭ umovu miru z Rasijaj
Tramp padčas debataŭ z Bajdenam nazvaŭ nieprymalnymi ŭmovy Pucina pa spynieńni vajny
Jakich vynikaŭ dasiahnuŭ samit miru