У Гродне знеслі яшчэ адну аўтэнтычную казарму XIX стагоддзя
Першы такі будынак сышоў пад знос у маі.
11.07.2024 / 10:45
Newgrodno.by
На вуліцы Шчорса ў Гродне працягваецца знос будынкаў пад новую жылую забудову. Пад нож мясцовыя ўлады пусцілі і гістарычныя будынкі.
Увесну будаўнікі знеслі аўтэнтычную казарму XIX стагоддзя, якую першапачаткова абяцалі захаваць. Будынак, як заяўлялася, знаходзіўся ў аварыйным стане. Лёс яшчэ адной такой жа казармы, якая стаяла побач, быў невядомы. Аднак 11 ліпеня і яна пайшла пад знос, піша newgrodno.by.
Скрыншот відэа: newgrodno.by
На месцы з'явіцца новы жылы комплекс. Пры гэтым планавалася, што фрагменты казармаў будуць выкарыстаныя пры будаўніцтве новых будынкаў.