Lidskaja abutkovaja fabryka vyjšła z bankructva. Ci vypuskajuć tam lehiendarnyja krasoŭki, što stali miemam?
Z 2016 hoda Lidskaja abutkovaja fabryka była ŭ stadyi finansavaha azdaraŭleńnia. Sioleta pradpryjemstva vyjšła z bankructva: dapamahła restrukturyzacyja, piša hazieta «Respublika» sa spasyłkaj na dyrektara pradpryjemstva Tamaru Ihnatovič.
11.07.2024 / 12:58
Fota: Holiday.by
U 2023 hodzie vytvorčaja mahutnaść fabryki skłała 265 tys. par abutku, u hetym u płanach — 286 tys. par.
U Lidzie vypuskajuć bolš za 100 madelaŭ abutku. Heta krasoŭki, čaraviki i paŭčaraviki, valonki, demisiezonnyja ducišy, tepci.
Taksama tut vyrablajuć śpiecabutak dla «Biełaruśkalija», «Naftan», «Hrodna Azota», «Hrodnažyłbuda», Minskaha mietrapalitena, BMZ, MMZ, MTZ, kandytarskaj fabryki «Čyrvony charčavik» i inšych pradpryjemstvaŭ.
U 2023 hodzie Ahienctva pa kiravańni aktyvami vykupiła daŭhi Lidskaj abutkovaj fabryki. Heta kredyty, vydadzienyja ŭ 2012-2015 hadach z datami kančatkovaha pahašeńnia abaviazacielstvaŭ u 2015-2018-m. Suma zapazyčanaści była bolš za 2,4 młn rubloŭ.