U vajenkamatach u Rasii abjavili akcyju «pryviadzi siabra»
Vajenkamaty Tatarstana ŭ Rasii znajšli aryhinalny sposab pryciahnuć bolš kantraktnikaŭ na vajnu. Kamisaryjaty abviaścili akcyju «pryviadzi siabra».
11.07.2024 / 18:00
Rasijskija mabilizavanyja. Fota: Minabarony RF
Kožnamu prapanujecca ŭhavaryć svajaka, siabra, znajomaha ci prosta luboha inšaha čałavieka padpisać kantrakt ź Minabarony Rasii. Za kožnaha pryviedzienaha navabranca buduć vypłačvać pa 100 tysiač rasijskich rubloŭ — krychu bolš za 1000 jeŭra.
Akcyju abviaścili 9 lipienia. Pieršapačatkova žycharam paabiacali płacić pa 50 tysiač rubloŭ za kožnaha adpraŭlenaha na vajnu. Adnak praz dvoje sutak suma vyrasła ŭdvaja, piša «Novaja hazieta».
Pretendavać na vypłatu mohuć siabry, svajaki, supracoŭniki vajenkamataŭ, administracyj i terytaryjalnych struktur, a taksama lubyja fizičnyja asoby, jakija pryciahnuli kandydata. Nie atrymajuć hrošy asudžanyja, padślednyja i tyja, chto pajšoŭ słužyć u dobraachvotnickija farmavańni.
Piaskoŭ zajaviŭ, što ŭ Rasii «niama patreby ŭ mabilizacyi»
Rasijski rehijon viarbuje biełarusaŭ na vajnu praz sacsietki — naładzili tarhietavanuju rekłamu