Карл III звярнуўся да зборнай Англіі з незвычайнай просьбай
11.07.2024 / 15:08
Фота: Yui Mok/Pool Photo via AP
Фінал чэмпіянату Еўропы па футболе Англія — Іспанія пройдзе ў нядзелю і пачнецца а 22-й гадзіне. Пасля ўчорашняга пераможнага паўфіналу кароль Карл III звярнуўся да нацыянальнай зборнай.
«Мы з жонкай далучаемся да ўсёй нашай сям'і і перадаем Вам самыя цёплыя віншаванні з выхадам у фінал чэмпіянату Еўропы па футболе. А таксама перадаем свае найлепшыя пажаданні ў сувязі з нядзельным матчам.
Але я дазволю сабе заклікаць вас атрымаць перамогу да таго, як паўстане неабходнасць у якіх-небудзь цуда-галах на апошняй хвіліне або ў чарговай драме з пенальці, бо ўпэўнены, што ціск і сардэчны рытм усёй нацыі тады значна знізяцца! Поспехаў, Англія», — напісаў кароль у сябе ў сацсетках.
У сваю чаргу новы прэм'ер Кір Стармер пажартаваў, што калі ва ўладзе лейбарысты, каманда ніколі не прайграе ў серыі пенальці.
Зборная Англіі ніколі не выйгравала чэмпіянат Еўропы, але аднойчы выйграла чэмпіянат свету. Было гэта ў 1966 годзе. Тады абышлося без пенальці, але краінай кіравалі лейбарысты: урад Гаральда Вільсана.
Крытыкаваная ўсімі Англія пры канцы сустрэчы праскочыла ў фінал ВІДЭА
Іспанія стала першым фіналістам Еўра-2024, разабраўшыся яшчэ ў першым тайме з Францыяй