Karł III źviarnuŭsia da zbornaj Anhlii ź niezvyčajnaj prośbaj
11.07.2024 / 15:08
Fota: Yui Mok/Pool Photo via AP
Finał čempijanatu Jeŭropy pa futbole Anhlija — Ispanija projdzie ŭ niadzielu i pačniecca a 22-j hadzinie. Paśla ŭčorašniaha pieramožnaha paŭfinału karol Karł III źviarnuŭsia da nacyjanalnaj zbornaj.
«My z žonkaj dałučajemsia da ŭsioj našaj siamji i pieradajem Vam samyja ciopłyja vinšavańni z vychadam u finał čempijanatu Jeŭropy pa futbole. A taksama pieradajem svaje najlepšyja pažadańni ŭ suviazi ź niadzielnym matčam.
Ale ja dazvolu sabie zaklikać vas atrymać pieramohu da taho, jak paŭstanie nieabchodnaść u jakich-niebudź cuda-hałach na apošniaj chvilinie abo ŭ čarhovaj dramie ź pienalci, bo ŭpeŭnieny, što cisk i sardečny rytm usioj nacyi tady značna źniziacca! Pośpiechaŭ, Anhlija», — napisaŭ karol u siabie ŭ sacsietkach.
U svaju čarhu novy premjer Kir Starmier pažartavaŭ, što kali va ŭładzie lejbarysty, kamanda nikoli nie prajhraje ŭ sieryi pienalci.
Zbornaja Anhlii nikoli nie vyjhravała čempijanat Jeŭropy, ale adnojčy vyjhrała čempijanat śvietu. Było heta ŭ 1966 hodzie. Tady abyšłosia bieź pienalci, ale krainaj kiravali lejbarysty: urad Haralda Vilsana.
Krytykavanaja ŭsimi Anhlija pry kancy sustrečy praskočyła ŭ finał VIDEA
Ispanija stała pieršym finalistam Jeŭra-2024, razabraŭšysia jašče ŭ pieršym tajmie z Francyjaj