Siłaviki zatrymali bieraściejca za rolik u tyktoku. Jon źniaŭ daišnika i nazvaŭ jaho «čyk-čyrykam»
Videa z chłopcam źjaviłasia ŭ blizkim da siłavikoŭ kanale.
11.07.2024 / 18:21
Skrynšot videa
Małady čałaviek kaža, što jaho zavuć Maksim Siarhiejevič. U červieni jon źniaŭ na videa supracoŭnika DAI, jaki chavaŭsia za słup na prypynku.
U svaim roliku aŭtar nazyvaje daišnika «čyk-čyrykam», a zatym dadaje niecenzurnaje słova. Siłaviki abvinavačvajuć jaho ŭ abrazie supracoŭnika niecenzurnaj łajankaj.
Na videa siłavikoŭ chłopca prymusili paprasić prabačeńnia i pryznacca ŭ lubovi da ŭłady. U jakim statusie znachodzicca zatrymany i što kankretna jamu staviać u vinu, nieviadoma.
U Mazyry za «raspaŭsiud ekstremizmu» pakarali hałoŭnuju redaktarku haziety NPZ
Za danat pałku Kalinoŭskaha zatrymali mužčynu