«Kamunarka» impartazamiaścić šakaład dla hłazuravanych syrkoŭ i maroziva
U efiry telekanała STV hiendyrektar kandytarskaj fabryki «Kamunarka» Siarhiej Aniuchoŭski raskazaŭ pra novy impartazamiaščalny inviestycyjny prajekt, jaki płanujecca realizavać na pradpryjemstvie.
11.07.2024 / 17:42
Pa słovach Aniuchoŭskaha, ciapier fabryka vyrablaje 33 tys. ton prysmakaŭ u hod. U ramkach inviestprajekta, jaki pavinien być zavieršany ŭ 2026 hodzie, na pradpryjemstvie majuć źjavicca novyja cechi i płanujecca naładzić inavacyjnuju vytvorčaść poŭnaha cykłu pa pierapracoŭcy kakava-baboŭ.
Realizacyja prajekta dazvolić «Kamunarcy» pavialičyć vytvorčyja mahutnaści amal na 20%: na adnym z učastkaŭ buduć dadatkova vypuskać dadatkova amal 6 tys. ton šakaładnaj masy.
«Heta i impartazamiaščalny prajekt, bo jon dazvolić nasycić biełaruski rynak šakaładnymi i kandytarskimi masami dla našych kaleh — pierapracoŭščykaŭ małaka. Heta hłazuravańnie syrkoŭ, maroziva», — zajaviŭ Aniuchoŭski.
Dyrektara «Kamunarki» aryštavali, ale vyzvalili. Vyhladaje, što jaho ŭratavaŭ status delehata UNS
Śpiavak Saša Nema zapisaŭ rekłamu biełaruskich cukierak i naśmiašyŭ sacsietki