Pamierła aktrysa Šeli Dziuval — zorka filma «Źziańnie»
U 75 hadoŭ pamierła amierykanskaja aktrysa Šeli Dziuval, jakaja mnohim zapomniłasia pa adnoj z hałoŭnych rolaŭ u filmie Stenli Kubryka «Źziańnie» — ekranizacyi adnajmiennaha ramana Styviena Kinha.
11.07.2024 / 19:23
Šeli Dziuval u 1983 hodzie. Fota: AP Photo/Doug Pizac, File
Akramia karciny Stenli Kubryka, Šeli Dziuval źniałasia ŭ takich filmach, jak «Eni Choł» Vudzi Alena i «Papaj» Robierta Ołtmiena.
Za rolu Miłdred «Mili» Łamaro ŭ filmie «Try žančyny» Šeli Dziuval atrymała pryz za najlepšuju žanočuju rolu na Kanskim kinafiestyvali ŭ 1977 hodzie. Za hetuju ž rolu jana była naminavanaja na premiju BAFTA.
Vydańnie The Hollywood Reporter paviedamiła sa spasyłkaj na partniora aktrysy Dena Hiłroja, što Dziuval pamierła ŭ śnie ŭ svaim domie ŭ Techasie. Pryčynaj śmierci stali ŭskładnieńni, vyklikanyja dyjabietam.
Pamior znakamity polski akcior Ježy Štur
U Rasii pamior brat daradcy Zialenskaha Michaiła Padalaka. Jon słužyŭ u HRU