Kałumbijski fanat, jaki ŭdaryŭ lidara zbornaj Uruhvaja Nuńjesa akazaŭsia śviatarom FOTAFAKT
Paśla parazy zbornaj Uruhvaja ŭ paŭfinale Kubka Amieryki ad Kałumbii (0:1) uruhvajskija hulcy pabilisia na trybunach z fanatami Kałumbii.
12.07.2024 / 07:55
A zaŭziatar, ź jakim biŭsia forvard Uruhvaja Darvin Nuńjes, akazaŭsia śviatarom, piša Nacional.
Śviatar na skrynšocie źleva (biez akularaŭ)
Darvin Nuńjes na videa ŭ čornaj majcy
Nuńjes paśla finalnaha śvistka pasvaryŭsia z kałumbijskimi fanatami, razzłavaŭšysia na abrazy i nieprystojnyja žesty ŭ svoj adras, špurnuŭ u ich kresła, a potym padniaŭsia trybunu, dzie ŭviazaŭsia ŭ bojku.
Kałumbija druhi raz u svajoj historyi (pieršy raz u 2001-m) prabiłasia ŭ finał Kubka Amieryki (anałah Jeŭra). U finale što projdzie ŭ noč na paniadziełak (pačatak a 03:00 raniy) jany zhulajuć suprać Arhienciny. Viadzie kamandu ŭ boj eks-zorka «Reała» i adzin z najlepšych hulcoŭ čempijanatu śvietu 2014 hoda Chamies Radryhies.
Arhiencina i Uruhvaj pa 15 razoŭ vyjhravali Kubak Amieryki, jaki razhryvajecca z 1916 hoda.
Krytykavanaja ŭsimi Anhlija pry kancy sustrečy praskočyła ŭ finał VIDEA
Karł III źviarnuŭsia da zbornaj Anhlii ź niezvyčajnaj prośbaj