Белгідрамет упершыню сёлета абвясціў максімальны чырвоны ўзровень небяспекі
Днём у суботу ў многіх раёнах краіны максімальная тэмпература паветра дасягне +37°С.
12.07.2024 / 13:22
У суботу ўмовы надвор'я будзе вызначаць трапічная паветраная маса. Месцамі пройдуць кароткачасовыя дажджы, навальніцы. Ноччу +17..+23°С, максімальная днём +32..+37°С, па поўначы месцамі +29..+31°С. У Мнску +35°С.
На суботу ўпершыню абвясцілі максімальны, чырвоны, узровень небяспекі. Да гэтага былі аранжавыя ўзроўні.
У нядзелюўмовы надвор'я будуць вызначаць атмасферныя франты, якія перамяшчаюцца з паўднёвага захаду Еўропы.
Уначы месцамі, раніцай і днём на большай частцы тэрыторыі чакаюцца кароткачасовыя дажджы. Месцамі навальніцы. Ноччу +17..+24°С, максімальная днём ад +25°С па захадзе да +37°С па паўднёвым усходзе. У Мінску чакаецца +30°С
Спёка. Як выжыць і паводзіць сябе ў такое надвор'е