Pad Maskvoj raźbiŭsia pasažyrski samalot Sukhoi Superjet-100
Pra padzieńnie samalota Superjet-100 ŭ vakolicach padmaskoŭnaha horada Kałomna pišuć šerah telehram-kanałaŭ.
12.07.2024 / 15:48
Baza paviedamlaje, što na borcie znachodzilisia try členy ekipaža, usie jany nibyta zahinuli. Samalot upaŭ u lesie i ŭzarvaŭsia.
Pasažyraŭ u sałonie nie było. Ale aficyjna infarmacyja pakul nie paćvierdžanaja.
Pavodle papiaredniaj infarmacyi, raźbiŭsia samalot z numaram RA-89049 avijakampanii «Hazpram Avija».
Jon nibyta lacieŭ z avijazavoda ŭ Łuchavicach u aeraport «Unukava», vykonvajučy pierahonačny rejs. Pa inšaj viersii, samalot lacieŭ na vyprabavańni na aeradrom u padmaskoŭnym Žukoŭskim, a na borcie byli piłoty-teściroŭščyki.
Papiarednie paviedamlajecca, što pierad padzieńniem «Supierdžet» padavaŭ sihnał biedstva. Sprabujučy zrabić pasadku, łajnier lotaŭ pa kruzie i vypracoŭvaŭ paliva.
U Paŭnočnaj Asiecii raźbiŭsia Su-34
Astranaŭt Uiljam Anders zahinuŭ u avijakatastrofie va ŭzroście 90 hadoŭ, kirujučy samalotam
Ił-76 upaŭ u Ivanaŭskaj vobłaści Rasii
Na Chiersonščynie ŭpaŭ rasijski Su-34