U sicylijskim aeraporcie čatyroch biełarusaŭ zatrymali za kantrabandu cyharet
U mižnarodnym aeraporcie Katanii Fantanarosa, jaki znachodzicca na italjanskim vostravie Sicylija, zatrymali čatyroch biełarusaŭ, jakija padazrajucca ŭ kantrabandzie cyharet. Pra heta havorycca ŭ sumiesnym pres-relizie Ahienctva pa mytni i manapolijach i Finansavaj hvardyi Italii, piša sajt «Biełaruś i śviet».
12.07.2024 / 22:06
Fota: Ahienctva pa mytni i manapolijach Italii
Vypadki niezakonnaha ŭvozu tytuniovych vyrabaŭ vyjavili ŭ pieryjad z krasavika pa lipień padčas pravierak, jakija pravodziacca na rejsach z Hrecyi.
U pryvatnaści, dvoje našych suajčyńnikaŭ prybyli z Sałonik z tranzitam praz Štuthart i Afiny, a dvoje inšych — z Afin niepasredna ŭ Kataniju.
U bahažy hetych pasažyraŭ byli vyjaŭlenyja cyharety zamiežnaj vytvorčaści bieź italjanskich akcyznych marak ahulnaj vahoj 215,5 kh. U vyniku troje biełarusaŭ byli aryštavanyja, a čaćviorty pakinuty na voli.
Tłumačycca, što za ŭčynienyja pravaparušeńni kantrabandystam moža pahražać turemny termin ad dvuch da piaci hadoŭ. Akramia taho, na ich budzie nakładzieny štraf u pamiery 5,16 jeŭra za kožny ŭmoŭny hram tytuniu, jaki pieravozicca.
U Polščy buduć sudzić 38 kantrabandystaŭ biełaruskich cyharet