Мінадукацыі расказала, куды больш за ўсё залічылі мэтавікоў
У Беларусі 35 ВНУ залічылі 4,5 тысячы студэнтаў, якія паступілі па мэтавых дамовах.
13.07.2024 / 09:46
Гэта на тысячу больш, чым год таму, паведамляе Міністэрства адукацыі.
Тройка ВНУ, якія лідзіруюць па колькасці залічаных мэтавікоў, выглядае так:
Беларускі дзяржаўны медыцынскі ўніверсітэт (673 чалавекі);
Беларускі дзяржаўны педагагічны ўніверсітэт імя Максіма Танка (289 чалавек);
Беларускі нацыянальны тэхнічны ўніверсітэт (266 чалавек).
У ведамстве адзначылі, што асабліва высокі попыт на мэтавую падрыхтоўку аказаўся па медыцынскіх, педагагічных і інжынерных спецыяльнасцях.
Сёлета для мэтавікоў у ВНУ выдзелена 5,6 тыс. месцаў. Гэта на 1 тыс. больш, чым у 2023-м.