U Biełaruś znoŭ zalacieŭ šachied. Hetym razam jon dabraŭsia da Viciebska
Źviestak ab źbićci abo jaho padzieńni nie pastupała. Siarod haściej Słavianskaha bazaru jon pakul taksama nie zaŭvažany.
13.07.2024 / 11:30
Hetaj nočču Rasija znoŭ atakavała Ukrainu dronami-kamikadze. Adzin z hetych BPŁA, jak miarkujecca, kala 3 hadzin nočy ŭvajšoŭ u pavietranuju prastoru Biełarusi praź biełaruska-ŭkrainskuju miažu ŭ Homielskaj vobłaści, paviedamlaje Biełaruski Hajun.
Dron «padarožničaŭ» pa krainie amal try hadziny i, miarkujučy pa ŭsim, dalacieŭ ažno da Viciebska.
VPS i vojski SPA RB a 5-j ranicy znoŭ padymalisia pa tryvozie na pierachop. Viertalot Mi-24 i źniščalnik Su-30 paŭtary hadziny biespaśpiachova patrulavali paŭdniovy ŭschod Viciebskaj vobłaści.
Dalejšy vynik pryhodaŭ šachieda ŭ RB nieviadomy. Źviestak ab źbićci abo jaho padzieńni nie pastupała. Siarod haściej Słavianskaha bazaru jon pakul taksama nie zaŭvažany. Avijacyja viarnułasia ŭ miesca pastajannaj dysłakacyi.
U čaćvier na Biełaruś zalacieŭ rasijski šachied. Što heta było?