Za 40 km ad Minska jość unikalny biaspłatny hidrapark z vadaspadami, lesam, plažami i navat «džakuzi»
Usiaho za 40 km ad stalicy znachodzicca najcikaviejšaje miesca — hidrapark sanatoryja «Sasnovy bor». Hetaja niezvyčajnaja słavutaść spałučaje ŭ sabie adrazu niekalki vidaŭ adpačynku: možna pahulać pa lesie, pazaharać na plažy, palubavacca štučnymi vyspami i rukatvornymi vadaspadami (i navat u ich vykupacca), piša Onliner.by.
13.07.2024 / 11:42
Hidrałahičny park chavajecca ŭ sasnovym bary niedaloka ad Radaškovičaŭ. Trapić na terytoryju možna całkam svabodna, pakinuŭšy mašynu kala eks-«Bryhanciny» (ciapier heta spartyŭna-azdaraŭlenčy kompleks BDU). Tyja z vas, chto ŭ dziacinstvie adpačyvaŭ u pijanierskim łahiery niepadalok (nazvy «Zorny», «Vołat», «Čabarok» vam pra niešta kažuć?), napeŭna choć raz byvali ŭ hetym miescy. A moža, navat prabiralisia siudy ŭpotaj…
U viečar sierady na vadaspady małyja prabiralisia tolki ŭ supravadžeńni darosłych. Śpiny pad mahutnyja strui padstaŭlali ź niekatorymi aściarohami. Zatoje ludzi starejšyja (mahčyma, heta hości sanatoryja) rabili heta ŭpeŭniena, z asablivaj asałodaj. Na tvarach čytałasia nievierahodnaje, navat dziciačaje zachapleńnie — mahčyma, tutejšaja vada vałodaje amaładžalnym efiektam. Nu a moža, heta ŭsiaho tolki cudy hidramasažu.
Pra sam hidrapark viadoma niašmat. Miarkujučy pa nadpisie na vałunie, jaki sustrakaje prosta na ŭvachodzie, słavutaść była stvorana ŭ 1983 hodzie pa prajekcie «Biełhipravodhasa» i pabudavana siłami tresta «Minskvodbud».
Z dapamohaj płaciny na race Rybčancy byli stvorany štučny vadajom i sietka kanałaŭ z vadaspadami i kaskadami. Jany razrazajuć sušu na siem vyspaŭ, źviazanych pamiž saboj mastkami (jość navat niekalki padviesnych).
Vyspy hetyja roznaj stupieni akulturanaści. Niekatoryja vyhladajuć dzika (u dobrym sensie słova): dzieści biarozka prylahła na vodnuju roŭniadź, dzieści kusty vyraśli vyšejšyja… usio heta stvaraje adčuvańnie naturalnaj pryrody.
Z dapamohaj płaciny na race Rybčancy byli stvorany štučny vadajom i sietka kanałaŭ z vadaspadami i kaskadami. Jany razrazajuć sušu na siem vyspaŭ, źviazanych pamiž saboj mastkami (jość navat niekalki padviesnych).
Vyspy hetyja roznaj stupieni akulturanaści. Niekatoryja vyhladajuć dzika (u dobrym sensie słova): dzieści biarozka prylahła na vodnuju roŭniadź, dzieści kusty vyraśli vyšejšyja… usio heta stvaraje adčuvańnie naturalnaj pryrody
Jašče tut abstalavany plaž z raspranalniami, paračkaj ležakoŭ i parasonaŭ, dziciačymi arelami. Dla małych u vadajomie praduhledžana śpiecyjalnaja zona, abmiežavanaja sietkaj.
A kali raptam vy zabylisia kupalnik, a papłavać chočacca, nie chvalujciesia: na ŭskrainie parku ŭžo paŭstaŭ stychijny rynak z kupalnymi pryładami.
Pahladzieć na hidrałahičnuju słavutaść možna całkam biaspłatna. Abyjści terytoryju prapanujuć pa dvuch maršrutach-karotkim sinim i doŭhim čyrvonym. Jany paznačanyja nie tolki na infarmacyjnym stendzie, ale i pa chodzie ruchu — strełački adpaviednych kvietak naleplenyja na stvałach dreŭ.