Surjoznaja avaryja na ŭjeździe ŭ Babrujsk — kiroŭcu vyrazali z aŭto
U sałonie znajšli dziciačaje aŭtakresła, ale, na ščaście, dziciaci ŭnutry mašyny nie było.
13.07.2024 / 12:40
Ranicaj u subotu, 13 lipienia, na ŭjeździe ŭ hety horad ź jaho ŭschodniaha boku adbyłasia avaryja, raspaviadaje «Viečiernij Bobrujsk».
Viadoma, što na vulicy Rahačoŭskaj sutyknulisia Skoda Octavia i hruzavik MAN. Jak piša vydańnie, kiroŭcu fury zavuć Leanid — jon i raspavioŭ padrabiaznaści DTZ. Vialikahruz ruchaŭsia z boku Babrujska ŭ napramku Rahačova.
Inšamarka, naadvarot, jechała ŭ horad. Aŭtamabil vyjechaŭ na sustrečnuju pałasu, paśla čaho adbyłosia sutyknieńnie. Pry hetym Skoda nie ździajśniała abhon
Pavodle papiaredniaj infarmacyi, kiroŭca albo adčuŭ siabie drenna, albo zasnuŭ za rulom.