«Akazvajecca, i na tym baku jość ludzi». Maci Ivana Padreza ŭsio ž nie vysialajuć
Były televiadoŭca Ivan Padrez napisaŭ u fejsbuku, što situacyja z kanfiskacyjaj jahonaj kvatery ŭładami ŭ Biełarusi ŭsio ž nie takaja trahičnaja, jak padavałasia napačatku. Prynamsi, jahonuju mamu pakul usio ž, zdajecca, nie vysialajuć.
13.07.2024 / 16:30
Ivan Padrez. Skryn videa belsat_news / YouTube
«Mama moža žyć u kvatery pa pravie pražyvańnia. Akazvajecca, i na tym baku jość ludzi. Ludziam — dziakuj. I dziakuj usim, chto pieražyvaŭ. Niama padstavy dla sumu», — napisaŭ Ivan Padrez.
Pra situacyju z kvateraj Ivana Padreza stała viadoma ŭčora. Jon napisaŭ u instahramie:
«U Biełarusi, dzie ŭ mianie była kvatera, ja ciapier «ekstremist». Kvatera, jakoj ja aficyjna vałodaŭ, ciapier kanfiskavanaja. Maju 78-hadovuju mamu vykinuli ź jaje. Jana praviała try tydni ŭ balnicach, a potym u siabroŭki. (…) Heta piekła. Heta pa-za ŭsiakaj marallu. Vykinuć 78-hadovuju žančynu z doma? Jak vy ŭsio heta cierpicie?»
Paśla hetaha ź Ivana Padreza ŭ žyvym efiry publična pahłumiŭsia jahony były kaleha, ciapierašni namieśnik hienieralnaha dyrektara ahienctva «Minsk-Naviny» Kirył Kazakoŭ.
Razhramili kvateru byłoha viadučaha ANT Ivana Padreza
«Pačuj mianie. Ty — mudak». Prapahandyst Kazakoŭ u žyvym efiry daŭ majstar-kłas zavočnaj palemiki
Ivan Padrez raskazaŭ, ad čaho Łukašenka vyratavaŭ Biełaruś