Aŭstryjski palitołah sprahnazavaŭ, što pačatku vajny Rasii z NATA moža papiaredničać paŭstańnie palakaŭ u Biełarusi. A čamu nie bunt reptyłoidaŭ?
Aŭstryjski palitołah Hustaŭ Hresiel u efiry prahramy vydańnia Bild vykazaŭ dumku, što padstavaj dla vajny Rasii suprać NATA moža stać insceniroŭka paŭstańnia polskaj mienšaści ŭ Hrodzienskaj vobłaści Biełarusi, jakoje nibyta padtrymali krainy Bałtyi. Dla abarony chaŭruśnika ich u adkaz, maŭlaŭ, atakuje Rasija.
13.07.2024 / 16:55
Pierad tym, jak vykazać svajo mierkavańnie, Hustaŭ Hresiel praanalizavaŭ kartu rasiejska-biełaruskich vučeńniaŭ «Zachad-2017». Na jaho dumku, US RF tady faktyčna adpracoŭvali napad na krainy NATA pa niekalkich napramkach.
Pa słovach Hresiela, niepasrednaj začepkaj dla vajny pa takim scenary moža stać insceniroŭka paŭstańnia polskaj mienšaści ŭ Hrodzienskaj vobłaści Biełarusi, jakoje nibyta padtrymali krainy Bałtyi. A tady ŭžo dla abarony sajuźnika ich u adkaz atakuje Rasija.
Hresiel adznačyŭ, što ciapier usie siły VS RF ściahnutyja va Ukrainie, vajavać na bałtyjskim kirunku niama kamu. Ale kali Rasija atrymaje vierch nad USU, to zahartavanyja ŭ bajach čaści mohuć pierakinuć na novuju vajnu. Pra ŭvahu da hetaha rehijonu havoryć, maŭlaŭ, niadaŭniaje adnaŭleńnie Leninhradskaj vajskovaj akruhi.
Na dumku palitołaha, u vypadku novaj vajny ŭsio budzie zaležać ad taho, jak chutka krainy Bałtyi i Polšča praviaduć mabilizacyju i ci spyniać US RF na miažy. Tady NATA pierakinie tudy suchaputnyja reziervy i vykarystaje aeradromy Šviecyi dla atrymańnia pieravahi ŭ pavietry.
Hresiel ličyć, što Rasija nia budzie ŭžyvać jadziernuju zbroju, a abmiažujecca kanviencyjnaj vajnoj. Jadziernyja pahrozy mohuć pajści ŭžo tolki paśla zachopu krain Bałtyi, kab prymusić Zachad pryznać ich častkaj Rasii.
Scenaryj pačatku vajny, dadzieny Hustavam Hresielem, adrazu ž raskrytykavaŭ inšy zachodni ekśpiert Alaksandr Frydman, jaki jak uradženiec i hramadzianin Biełarusi kudy lepš aryjentujecca ŭ miascovych realijach, u tym liku ŭ etnanacyjanalnaj situacyi ŭnutry Biełarusi i ŭ susiednich krainach.
Nazyvajučy Hustava Hresiela «adnym z samych viadomych vajskovych ekśpiertaŭ u niamieckamoŭnaj prastory», Frydman nazyvaje prapanavany im scenaryj z zadziejničańniem polskaj mienšaści «kurjoznym».
«Paŭstańnie polskaj mienšaści ŭ Hrodzienskaj vobłaści» pry padtrymcy krain Bałtyi? A čamu adrazu nie bunt reptyłoidaŭ pry padtrymcy Vilni i Ryhi?», — iranična pytajecca Alaksandr Frydman.
Nakolki imaviernyja Treciaja suśvietnaja vajna i jadzierny ŭdar? Acenka Frydmana
«Vajna pakazała, što na baku Zachadu staić mienšaść. A Armieniju Rasija tak prosta nie pakinie»