«Каханне ўсяго майго жыцця». Арына Сабаленка ўпершыню пацвердзіла свае адносіны з бразільскім бізнэсменам
26-гадовая беларуская тэнісістка Арына Сабаленка ўпершыню пацвердзіла свае адносіны з 35-гадовым бразільскім бізнэсменам Георгіасам Франгулісам.
13.07.2024 / 17:59
Франгуліс у сваім інстаграм-акаўнце выклаў пост з сумеснымі фатаграфіямі з беларускай тэнісісткай. У каментарах адзначылася сама Сабаленка.
«Маё каханне ўсяго майго жыцця», — напісала Сабаленка па-партугальску.
Франгуліс з'яўляецца ўладальнікам кампаніі Oakberry, якая вырабляе прадукты здаровага харчавання, ён захапляецца аўтаспортам.
Пакуль што мужчына лічыцца яшчэ жанатым. Пасля таго як пра адносіны Франгуліса і Сабаленкі стала вядома грамадскасці, жонка бізнэсмена заявіла пра пачатак шлюбаразводнага працэсу.
Новы бойфрэнд Арыны Сабаленкі апублікаваў мілыя фоткі з беларускай тэнісісткай
Арына Сабаленка пасля вылету з «Ралан Гарос» паляцела адпачываць у Грэцыю з бойфрэндам-мільянерам