Markietpłejs Wildberries dazvoliŭ admianiać usie vypadkovyja zamovy
Papularny ŭ Biełarusi markietpłejs Wildberries pašyryŭ opcyju dadatkovaj abarony ad vypadkovych zamoŭ, paviedamlaje telehram-kanał placoŭki.
13.07.2024 / 20:08
U pačatku hoda markietpłejs dadaŭ knopku, jakaja dazvoliła admianiać zamovy adrazu paśla ich afarmleńnia. Funkcyju ŭviali dla tych vypadkaŭ, kali karystalnik «zrabiŭ zamovu vypadkova, abraŭ nie toj adras abo bolšuju kolkaść pazicyj, čym źbiraŭsia».
Admiena mahčymaja maksimum u pieršuju hadzinu paśla zamovy abo da momantu, pakul pradaviec nie pačaŭ zborku.
Pieršapačatkova opcyja była dastupnaja tolki tym klijentam, jakija kuplajuć tavary pa postapłacie. Ciapier ža, udakładnili ŭ Wildberries, takaja mahčymaść źjaviłasia i ŭ astatnich kupcoŭ.
Kab admianić zamovu, u raździele «Dastaŭki» na smartfonach treba nacisnuć na status «aformlena» pad tavaram, a ŭ poŭnaj viersii sajta — navieści kursor na kartku tavaru albo na try kropki pad tavaram.
Wildberries viarnuŭ dla biełarusaŭ biaspłatnyja pakiety
Daŭžnikam pa kamunałcy ŭ Biełarusi zabaraniajuć atrymlivać tavary na Wildberries
Wildberries u «Vialikim kamieni» stvoryć samy bujny ŭ Biełarusi łahistyčny centr