Chrenin paśla zahadu Łukašenki imhnienna pačaŭ advodzić vojski z paŭdniovaj miažy
Ministerstva abarony nieadkładna prystupaje da advodu vojskaŭ, jakija ciapier znachodziacca na miažy z Ukrainaj, u miescy pastajannaj dysłakacyi. Pra heta zajaviŭ ministr abarony Viktar Chrenin pa vynikach siońniašniaj narady z Łukašenkam.
13.07.2024 / 21:51
«My bačym, što napružańnie na paŭdniovym apieracyjnym napramku spadaje, tamu pa vynikach narady prezident daručyŭ hrupoŭku vojskaŭ uzmacnieńnia paŭdniovaha apieracyjnaha napramku, asnovu jakoha składajuć siły śpiecyjalnych apieracyj, vyvieści z pryhraničnaj zony i viarnuć u punkty pastajannaj dysłakacyi. My nieadkładna prystupajem da vykanańnia hetaj zadačy», — zajaviŭ Viktar Chrenin.
Pavodle jaho słoŭ, na raniejšych miescach zastanucca niaznačnyja dziažurnyja siły i srodki dla manitorynhu situacyi na paŭdniovaj miažy.
Minabarony pužaje pravakacyjami z boku ŭkraincaŭ
Padalak pra zajavy Łukašenki ab kancentracyi ŭkrainskich vojskaŭ la biełaruskaj miažy: Źmienaŭ niama