Čałaviek, jaki stralaŭ na mitynhu ŭ Donalda Trampa, zabity
Pra toje, što čałaviek, jaki stralaŭ u Donalda Trampa, miortvy, paviedamili amierykanskija ŚMI.
14.07.2024 / 02:36
Pradstaŭniki Sakretnaj słužby, jakaja adkazvaje za biaśpieku Donalda Trampa. Fota: AP Photo/Evan Vucci
Strałka zabili supracoŭniki Sakretnaj słužby, paviedamlaje telekanał CBS.
Pra śmierć mierkavanaha strałka taksama piša žurnalistka The Washington Post Merył Kornfiłd sa spasyłkaj na akruhovaha prakurora horada Batlera, dzie adbyłasia stralanina.
Aficyjna infarmacyi pra śmierć padazravanaha ŭ stralbie nie pastupała. Chto hety čałaviek i jakija byli jaho matyvy, taksama pakul nieviadoma.
Ahienctva Associated Press sa spasyłkaj na dvuch supracoŭnikaŭ pravaachoŭnych orhanaŭ paviedamiła, što stralba na mitynhu Trampa rasśledujecca jak sproba zamachu, a strałok znachodziŭsia nie ŭnutry pierymietra, dzie prachodziŭ vystup.
CBS u svaim žyvym efiry padkreślivaje, što na takich mitynhach zaŭsiody ŭzmocnienyja miery biaśpieki, ludziej prapuskajuć praz ramki mietałašukalnikaŭ.
Padčas zamachu na Trampa jak minimum adzin čałaviek zahinuŭ
Zamach na Donalda Trampa: u jaho stralali ŭ čas vystupu ŭ Piensilvanii
«Faktar Śvift». Amierykanskaja hramadskaść čakaje zajavy Tejłar Śvift nakont Bajdena