Donald Tramp zrabiŭ zajavu paśla ataki na jaho
Tramp napisaŭ u sacsietcy Truth Social, što ŭ jaho «była vypuščanaja kula, jakaja prabiła vierchniuju častku pravaha vucha».
14.07.2024 / 04:01
Fota: AP Photo/Gene J. Puskar
«Ja chaču padziakavać Sakretnaj słužbie ZŠA i ŭsim pravaachoŭnym orhanam za ich apieratyŭny adkaz na stralaninu, jakaja tolki što adbyłasia ŭ Batlery, štat Piensilvanija.
Samaje hałoŭnaje, ja chaču vykazać svaje spačuvańni siamji čałavieka, jaki zahinuŭ na mitynhu, a taksama siamji inšaha čałavieka, jaki byŭ ciažka paranieny. Nievierahodna, što takoje moža adbycca ŭ našaj krainie.
U ciapierašni čas ničoha nie viadoma pra strałka, jaki ciapier miortvy. U mianie trapiła kula, jakaja prabiła vierchniuju častku majho pravaha vucha. Ja adrazu zrazumieŭ, što niešta nie tak, bo pačuŭ śviściačy huk, streły i adrazu adčuŭ, jak kula rvie skuru. Adbyŭsia mocny kryvaciok, i tady ja zrazumieŭ, što adbyvajecca. BOŽA, BIERAŽY AMIERYKU!» — napisaŭ były prezident ZŠA.
Bajden skazaŭ, što molicca za Trampa, i zaklikaŭ abjadnacca ŭsiu nacyju
Čałaviek, jaki stralaŭ na mitynhu ŭ Donalda Trampa, zabity
Padčas zamachu na Trampa jak minimum adzin čałaviek zahinuŭ
Zamach na Donalda Trampa: u jaho stralali ŭ čas vystupu ŭ Piensilvanii