Dva čałavieki zahinuli ŭ avaryi pad Mahilovam, čaćviora — u reanimacyi
Žudasnaja avaryja ŭviečary 13 lipienia adbyłasia ŭ Mahiloŭskim rajonie. Jak paviedamlaje Dziaržaŭtainśpiekcyja, kiroŭca Volkswagen jechaŭ pa darozie M-8 «Miaža RF — Viciebsk — Homiel — miaža Ukrainy» i łob u łob sutyknuŭsia z Audi. DAI publikuje videa hetaj avaryi.
14.07.2024 / 07:31
U DTZ zahinuli dva čałavieki: mužčyna i dzicia, jakija jechali ŭ aŭtamabili Volkswagen.
Troje paciarpiełych dastaŭleny ŭ reanimacyju BCHMD Mahilova, dzicia — u reanimacyju Mahiloŭskaj abłasnoj dziciačaj balnicy.
«Stan adnaho z pacyjentaŭ aceńvajecca jak vielmi ciažki, dvoje — u ciažkim stanie», — havorycca ŭ paviedamleńni Ministerstva achovy zdaroŭja.
Dzicia znachodzicca ŭ reanimacyi sa spałučanymi traŭmami. Jaho stan aceńvajecca jak siaredniaj stupieni ciažkaści.
Surjoznaja avaryja na ŭjeździe ŭ Babrujsk — kiroŭcu vyrazali z aŭto
Čaćviora paciarpiełych u DTZ pad Brestam trapili ŭ reanimacyju
Pad Brestam bus sutyknuŭsia z hrejdaram — paciarpieli žančyna i šeść jaje dziaciej