Papiarednie, zamach na Trampa ździejśniŭ 20-hadovy amierykaniec
Zamach na byłoha prezidenta ZŠA i kandydata ŭ prezidenty Donalda Trampa ździejśniŭ 20-hadovy chłopiec. Takuju infarmacyju daje AP sa spasyłkaju na palicyju. Jaho imia aficyjnyja struktury nie nazyvajuć. Matyvy jaho pakul nie viadomyja.
14.07.2024 / 08:05
Vydańnie TMZ publikuje fota mierkavanaha strałka
U napadnika nie było pry sabie nijakich dakumientaŭ, tamu ŭłady čakajuć analizu DNK i bijamietryčnyja źviestki dla vyśviatleńnia asoby, paviedamlajuć pravaachoŭnyja orhany. U FBR pakul nie hatovyja nazvać imia strałka.
Matyŭ jaho dziejańniaŭ taksama pakul nie ŭstanoŭleny, zajaviŭ na pres-kanfierencyi pradstaŭnik FBR Kievin Ražek. Adnak jon paćvierdziŭ, što incydent razhladajecca jak zamach na eks-prezidenta ZŠA.
Pradstaŭnik palicyi štata Piensilvanija Džordž Biviens tam ža paviedamiŭ, što asoba strałka «papiarednie ŭstanoŭlenaja», ale taksama nie nazvaŭ jaho imia i nie pryvioŭ jakich-niebudź padrabiaznaściaŭ, jakija dazvalajuć ustalavać asobu.
Vydańnie The New York Post sa spasyłkaj na krynicy nazyvaje imia strałka —Tomas Mećju Kruks. Pavodle vydańnia, Kruks uradženiec štata Piensilvanija.
Fota Kruksa publikujuć niekatoryja ŚMI — chłopiec z doŭhimi vałasami, adnak nielha skazać, što jano dakładna vieryfikavanaje.
The New York Post piša, što Kruks zalez na dach vytvorčaha pradpryjemstva, raźmieščanaha krychu prykładna ŭ 120 mietrach ad sceny, dzie vystupaŭ Tramp.
Paśla sproby zamachu na Trampa niekalki čałaviek paviedamili, što niezadoŭha da strełaŭ bačyli, jak niejki mužčyna lezie na dach budynka i pakazvali na heta palicyi i supracoŭnikam słužby biaśpieki, ale tyja nijak nie zreahavali.
Strałok byŭ zabity.
Zamach na Donalda Trampa: u jaho stralali ŭ čas vystupu ŭ Piensilvanii
Padčas zamachu na Trampa jak minimum adzin čałaviek zahinuŭ
Čałaviek, jaki stralaŭ na mitynhu ŭ Donalda Trampa, zabity