Kala 900 nasielenych punktaŭ zastalisia bieź śviatła praz stychiju
Enierhietyki praciahvajuć raboty pa adnaŭleńni elektrazabieśpiačeńnia ŭ paciarpiełych ad niepahadzi rehijonach.
14.07.2024 / 09:19
Adnaŭlenčyja raboty praciahvajucca ŭ 103 nasielenych punktach krainy. Fota: Minenierha
Za minułyja sutki elektrazabieśpiačeńnie parušałasia ŭ 900 nasielenych punktach krainy. Adklučeńni zafiksavanyja pieravažna ŭ Minskaj, Hrodzienskaj i Viciebskaj abłaściach. Bolš za ŭsio ad mocnaha vietru paciarpieli Minski, Iŭjeŭski, Vałožynski, Łahojski, Dziaržynski, Karelicki, Smarhonski, Ašmianski rajony, paviedamlaje Minskenierha.
Pa danych na 8:00 14 lipienia, adnaŭlenčyja raboty praciahvajucca ŭ 103 nasielenych punktach.
Siońnia ŭ Biełarusi zachoŭvajucca składanyja ŭmovy nadvorja: z-za mocnaj śpioki abjaŭleny aranžavy ŭzrovień niebiaśpieki. Na bolšaj častcy terytoryi krainy projduć karotkačasovyja daždžy, u asobnych rajonach — navalnicy z paryvami vietru da 20 m/s. Tempieratura pavietra dniom składzie plus 24-29, na paŭdniovym uschodzie — plus 30-34 hradusy, pa Homielskaj vobłaści budzie da plus 36.
U Minsku štorm vyryvaŭ drevy i rujnavaŭ rekłamnyja ščyty FOTY i VIDEA
Pa Biełarusi kocicca niepahadź, mocnyja viatry i zalevy FOTY i VIDEA
Urahan udaryŭ pa vystavie MUS u centry Viciebska — viecier raskidaŭ namioty VIDEA