ФБР назвала імя таго, хто страляў у Трампа
Чалавек, які спрабаваў забіць Дональда Трампа, — 20-гадовы Томас Мэцью Крукс, гаворыцца ў заяве Федэральнага бюро расследаванняў ЗША. Такім чынам, ФБР пацвердзіла інфармацыю, раней распаўсюджаную СМІ.
14.07.2024 / 09:58
20-гадовы Томас Мэцью Крукс. Фота: сацсеткі
Як паведамляе ФБР, Крукс быў родам з Бетэл-Парку ў Пенсільваніі.
Гэты горад знаходзіцца прыкладна ў 70 км ад Батлера, дзе быў здзейснены замах.
«Актыўнае расследаванне працягваецца, і ўсіх, хто валодае інфармацыяй, якая можа дапамагчы следству, просяць дасылаць фатаграфіі ці відэа ў рэжыме анлайн», — сказана ў заяве.
У былога прэзідэнта ЗША Дональда Трампа стралялі ў час выступу ў штаце Пенсільванія.
Трамп атрымаў раненне ў вуха. Нападнік быў застрэлены супрацоўнікамі Сакрэтнай службы. Вядома таксама, што два чалавекі былі параненыя.
Дональд Трамп зрабіў заяву пасля атакі на яго
Байдэн сказаў, што моліцца за Трампа, і заклікаў аб'яднацца ўсю нацыю
Чалавек, які страляў на мітынгу ў Дональда Трампа, забіты
Падчас замаху на Трампа як мінімум адзін чалавек загінуў
Замах на Дональда Трампа: у яго стралялі ў час выступу ў Пенсільваніі