МУС распавяло пра аблаву на рок-канцэрт пад Пінскам
МУС бяздоказна паведамляе, што спынена «незаконнае мерапрыемства неанацыстаў-экстрэмістаў»
14.07.2024 / 10:18
Скрын відэа МУС
Паводле МУС, ГУБАЗіК зрабіў налёт на канцэрт па даносе, што група асоб плануе закрытае незаконнае масавае мерапрыемства ў Пінскім раёне.
АМАП і супрацоўнікі Пінскага РАУС затрымалі 56 чалавек з Мінска, Гродна, Віцебска, Брэста, Пінска і Лунінца. Як паведамляе МУС, сярод іх былі «датычныя да экстрэмісцкай дзейнасці, у тым ліку да масавых беспарадкаў у 2020 годзе». Асобна паведамляецца, што сярод затрыманых былі «сваякі ўдзельнікаў баявых дзеянняў ва Украіне» — які склад злачынства ў сваяцтве — не паведамляецца.
Паводле паведамлення, 11 грамадзян прыцягнуты да адміністрацыйнай адказнасці за распаўсюд нацысцкай сімволікі і экстрэмісцкіх матэрыялаў, арганізатары — 42-х і 41 — гадовы жыхары Пінскага раёна — за парушэнне парадку арганізацыі і правядзення масавых мерапрыемстваў.
Сілавікі ўварваліся ў намётавы лагер пад Пінскам, дзе моладзь сабралася на рок-канцэрт
Падчас хапуну на рок-канцэрце пад Пінскам затрымалі сястру байца-каліноўца