MUS raspaviało pra abłavu na rok-kancert pad Pinskam
MUS biazdokazna paviedamlaje, što spyniena «niezakonnaje mierapryjemstva nieanacystaŭ-ekstremistaŭ»
14.07.2024 / 10:18
Skryn videa MUS
Pavodle MUS, HUBAZiK zrabiŭ nalot na kancert pa danosie, što hrupa asob płanuje zakrytaje niezakonnaje masavaje mierapryjemstva ŭ Pinskim rajonie.
AMAP i supracoŭniki Pinskaha RAUS zatrymali 56 čałaviek ź Minska, Hrodna, Viciebska, Bresta, Pinska i Łuninca. Jak paviedamlaje MUS, siarod ich byli «datyčnyja da ekstremisckaj dziejnaści, u tym liku da masavych biesparadkaŭ u 2020 hodzie». Asobna paviedamlajecca, što siarod zatrymanych byli «svajaki ŭdzielnikaŭ bajavych dziejańniaŭ va Ukrainie» — jaki skład złačynstva ŭ svajactvie — nie paviedamlajecca.
Pavodle paviedamleńnia, 11 hramadzian pryciahnuty da administracyjnaj adkaznaści za raspaŭsiud nacysckaj simvoliki i ekstremisckich materyjałaŭ, arhanizatary — 42-ch i 41 — hadovy žychary Pinskaha rajona — za parušeńnie paradku arhanizacyi i praviadzieńnia masavych mierapryjemstvaŭ.
Siłaviki ŭvarvalisia ŭ namiotavy łahier pad Pinskam, dzie moładź sabrałasia na rok-kancert
Padčas chapunu na rok-kancercie pad Pinskam zatrymali siastru bajca-kalinoŭca