Iłan Mask: Mianie dvojčy sprabavali zabić za apošnija vosiem miesiacaŭ
Mask śćviardžaje, što zamachi na jaho rychtavalisia ŭ Techasie.
14.07.2024 / 14:21
Fota: Dimitrios Kambouris / Getty Images
Miljarder Iłan Mask na fonie zamachu na eks-prezidenta ZŠA Donalda Trampa raskazaŭ, što i jaho niadaŭna sprabavali zabić.
Mask adreahavaŭ na paviedamleńnie adnaho z karystalnikaŭ X, jaki zaklikaŭ jaho ŭzmacnić achovu.
«Napieradzie niebiaśpiečnyja časy. Dva čałavieki (dva asobnyja vypadki) užo sprabavali mianie zabić za apošnija 8 miesiacaŭ. Jany byli aryštavanyja sa zbrojaj prykładna ŭ 20 chvilinach jazdy ad štab-kvatery Tesla u Techasie», — raspavioŭ Mask.
Padrabiaznaściaŭ mierkavanych zamachaŭ jon nie raskryŭ.
Napiaredadni padčas pieradvybarčaha mitynhu ŭ Piensilvanii stralali ŭ kandydata ŭ prezidenty ZŠA Donalda Trampa. Kula pralacieła ŭ santymietry ad hałavy palityka, jon atrymaŭ ranieńnie vucha.
U vyniku stralaniny zahinuli dva čałavieki, u tym liku napadajučy, jašče dvoje atrymali ciažkija ranieńni. FBR kvalifikavała padziei jak zamach na eks-prezidenta.
Zamach na Donalda Trampa: u jaho stralali ŭ čas vystupu ŭ Piensilvanii
Čałaviek, jaki stralaŭ na mitynhu ŭ Donalda Trampa, zabity
FBR nazvała imia taho, chto stralaŭ u Trampa