Viadučaja ANT Iryna Rambalskaja pakazała svaje harsety na tydni mody ŭ Paryžy
Skulptarka i viadučaja ANT Iryna Rambalskaja razam z dyzajnierkaj Taćcianaj Jafremavaj pryvieźli ŭ Paryž kalekcyju adzieńnia.
14.07.2024 / 19:49
Iryna Rambalskaja i Taćciana Jafremava na tydni mody ŭ Paryžy. Fota: bfw.by
«Kaliści ŭ junactvie ŭ mianie była mahčymaść zastacca ŭ Paryžy pracavać madellu, ale ja vybrała vučobu. Praz šmat hadoŭ viarnucca na francuzski podyum, ale ŭžo ŭ inšym ampłua, z ułasnaj kalekcyjaj harsetaŭ — usio heta nievierahodna, ale vielmi kruta!» — cytuje Rambalskuju bfw.by.
Harsety na tydni mody ŭ Paryžy. Fota: bfw.by
Harsety jana stvarała spačatku jak art-abjekty, a paśla ich stali brać na fotasiesii.
Jak raskazała Rambalskaja partału Smartpress, jaje z dyzajnierkaj zaprasili pryjechać z hetaj kalekcyjaj i na inšyja tydni mody — u Italiju, ZŠA, Kitaj.
Harsety na tydni mody ŭ Paryžy. Fota: bfw.by
Jana zhadała taksama, jak na vystavach jaje prac u Biełarusi ludzi časam dumali, što jana prosta pamočnica majstra i prasili spytać taho, jakuju ideju jon zakładaŭ u svaje tvory. «I ja, u siłu saramlivaści ci pryrodnaha hłupstva, kazała, što pasprabuju ŭdakładnić».
U Minsku kalekcyju z harsetami pakažuć 15 vieraśnia na Belarus Fashion Week.