Stała viadoma asoba čałavieka, jakoha zastrelili na mitynhu Trampa
Zahinuły na mitynhu Donalda Trampa ŭ Piensilvanii — heta 50-hadovy pažarny.
14.07.2024 / 21:21
Kory Kampieratar ź siamjoj. Fota: fejsbuk jaho siastry
Hubiernatar Piensilvanii Džoš Šapira na pres-kanfierencyi paviedamiŭ, što zahinułaha zvali Kory Kampieratar. Jon pracavaŭ u pažarnaj słužbie i ŭ jaho byli dźvie dački.
«Kožnuju niadzielu Kory chadziŭ u carkvu. Kory lubiŭ svaju supolnaść. A asabliva Kory lubiŭ svaju siamju», — cytuje Šapiru CNN.
Kampieratar byŭ zaŭziatym prychilnikam Trampa.
«Žonka Kory paprasiła mianie raskazać usim vam, što Kory pamior hierojem. Učora ŭviečary na hetym mitynhu Kory kinuŭsia da svajoj siamji, kab abaranić ich», — skazaŭ hubiernatar štata.
Stralanina adbyłasia 14 lipienia padčas vystupu Trampa pierad prychilnikami. Były prezident ZŠA, jaki znoŭ vyłučajecca na pasadu kiraŭnika krainy, byŭ lohka paranieny ŭ vucha. Dva čałavieki, uklučajučy strałka, zabityja, dvoje ŭdzielnikaŭ mitynhu ciažka paranienyja.
Zamach na Donalda Trampa: u jaho stralali ŭ čas vystupu ŭ Piensilvanii
Donald Tramp zrabiŭ zajavu paśla ataki na jaho
U mašynie chłopca, što stralaŭ u Trampa, znajšli vybuchoŭku
FBR nazvała imia taho, chto stralaŭ u Trampa