Jašče adna achviara štormu — dreva zabiła chłopčyka pad Rečycaj
U Rečyckim rajonie viečaram 14 lipienia viecier pavaliŭ drevy ŭ dziciačym łahiery imia Marata Kazieja. Zahinuŭ 13-hadovy chłopčyk.
14.07.2024 / 21:54
Łahier u Rečyckim rajonie paśla ŭrahana. Fota: SK
Urahan nalacieŭ padčas zabaŭlalnaha mierapryjemstva na kancertnaj placoŭcy. Dzieci kinulisia ŭ karpusy. Ale nie ŭsie paśpieli schavacca.
Aproč zahinułaha chłopčyka, jašče šaściora dziaciej ad 6 da 13 hadoŭ atrymali traŭmy, paviedamlaje Śledčy kamitet.
Traich paciarpiełych dziaciej chutkaja dapamoha zaviezła ŭ centralnuju rajonnuju balnicu. Paśla papiaredniaj dyjahnostyki adnu ź dziaŭčynak pieraviali ŭ Homiel. Dvum padletkam akazana dapamoha lekarami CRB. U dziaciej dyjahnastavany pierałomy i traŭmy siaredniaj stupieni ciažkaści.
Učora z-za niepahadzi zahinuli dva čałavieki. U Minsku dreva, jakoje ŭpała, zabiła dziaŭčynu. Inšy zahinuły byŭ na kiempinhu «Klovaje miesca» na Vilii.