U ahraharadku pad Pinskam bura paškodziła 60 damoŭ FOTY
U Pinskim rajonie piacichvilinny ŭrahan paškodziŭ bolš za 60 damoŭ u ahraharadku Łapacina.
14.07.2024 / 22:40
Fota tut i dalej: BiełTA
Mocny viecier supravadžaŭsia praliŭnym daždžom i hradam pamieram ź pierapialinaje jajka. U vyniku paškodžanyja damy, pabudovy, sielskahaspadarčyja budynki i inšyja budynki, piša BiełTA.
Sarvanyja dachi, pavalenyja drevy, płaty, apory linii elektrapieradačy.
Pavodle papiarednich źviestak, paciarpieli 63 damy, ź ich 11 — surjozna.
Kab adnavić damy, pracujuć čatyry padraździaleńni MNS, pradstaŭniki Pinskaha i Cielachanskaha lashasaŭ, čatyry bryhady enierhietykaŭ.
Śpiecyjalisty dapamahajuć nakryć dachi, raśpiłavać i prybrać pavalenyja drevy, papravić paškodžanyja aharodžy, rasčyścić darohi i zavały.
Apakalipsis u Mazyry. Štorm nakryŭ Homielščynu
Jašče adna achviara štormu — dreva zabiła chłopčyka pad Rečycaj