Названыя найлепшыя гульцы Еўра-2024, малады футбаліст і гулец фіналу
Імі сталі гульцы каманды-чэмпіёна Родры, Ламін Ямаль і Ніка Уільямс.
15.07.2024 / 00:52
Родры. Фота: Lars Baron / Getty Images
Паўабаронца зборнай Іспаніі і «Манчэстэр Сіці» Родры прызнаны найлепшым футбалістам Еўра-2024.
Ён стаў трэцім іспанскім футбалістам, які стаў найлепшым гульцом чэмпіянату Еўропы. Да яго такой узнагароды ўдастойваліся паўабаронцы Хаві (2008) і Андрэс Іньеста (2012). І тады Іспанія таксама выйгравала чэмпіянаты Еўропы
Ламін Ямаль. Фота: Quality Sport Images / Getty Images
А Ламіна Ямаля назвалі найлепшым маладым футбалістам Еўра-2024. У суботу хлопцу споўнілася ўсяго 17 год.
Ламін Ямаль і Ніка Уільямс. Фота: Manu Fernandez / AP
Найлепшым гульцом фінала назвалі Ніка Уільямса, які адкрыў лік у матчы,
Сёння Іспанія выйграла чэмпіянат Еўропы, абыграўшы ў фінале Англію 2:1. У іспанцаў чатыры перамогі на кантынентальных першынствах (1964, 2008, 2012, 2024).
Англія ні разу не выйгравала чэмпіянаты Еўропы, а Хары Кейн застаўся зноў без трафея, ужо шостага ў кар'еры, улічваючы фіналы Лігі чэмпіёнаў, Кубка Англійскай лігі (як гулец «Тотэнхема»), Суперкубка Германіі («Баварыя»). Прычым ён прайграў і другі фінал Еўра (першы раз у 2021-м).
Іспанія чацверты раз у гісторыі выйграла Еўра — і гэта рэкорд
Ламін Ямаль: як школьнік з беднага каталонскага раёна стаў найлепшым распасоўшчыкам Еўра
Бацькі гэтага 21-гадовага форварда зборнай Іспаніі пешкі перайшлі Сахару, каб выратавацца ад вайны