Na siońnia taksama abviaścili aranžavy ŭzrovień niebiaśpieki
Na Homielščynie čakajecca da +34°S, pa ŭschodniaj pałovie krainy — daždžy i navalnicy.
15.07.2024 / 08:44
Aranžavy ŭzrovień niebiaśpieki z-za ŭmoŭ nadvorja abvieščany na paniadziełak, paviedamiŭ u Biełhidramiet.
«Udzień 15 lipienia pa paŭdniovym uschodzie krainy maksimalnaja tempieratura pavietra dasiahnie + 30..+34°S», — udakładnili ŭ pres-słužbie viedamstva.
Va ŭschodniaj častcy krainy buduć karotkačasovyja daždžy, a ŭ asobnych rajonach i navalnicy.
«Viecier pieramiennych kirunkaŭ 4-9 m/s, pry navalnicach paryvy da 14 m/s, miescami 15-18 m/s. Tempieratura pavietra ŭdzień +24..+29°S», — raspaviali ŭ Biełhidramiecie.
Na vychodnych u vyniku razhułu stychii zahinuli troje čałaviek, u tym liku dzicia.
U roznych rehijonach pa ŭsioj krainy nasielenyja punkty zastalisia biez elektryčnaści, vietram taksama sarvała dachi damoŭ i valiła drevy.
Ekstrannyja słužby zajmajucca likvidacyjaj nastupstvaŭ niepahadzi. Biez elektryčnaści zastajecca bolš za 1200 nasielenych punktaŭ.
Pa Biełarusi kocicca niepahadź, mocnyja viatry i zalevy FOTY i VIDEA
Apakalipsis u Mazyry. Štorm nakryŭ Homielščynu
Urahan źmioŭ kiempinh na Vilii, paviedamlajuć pra zahinułaha
Jašče adna achviara štormu — dreva zabiła chłopčyka pad Rečycaj
U Łunincy vypaŭ hrad pamieram ź pierapialinaje jajka