У Беларусі зарэгістравалі кубінскую вакцыну ад раку лёгкіх
Кубінская вакцына ад раку лёгкіх CimaVax атрымала медыцынскую рэгістрацыю ў Беларусі. Пра гэта ў сваім акаўнце ў твітары паведаміў міністр замежных спраў Кубы Бруна Радрыгес Парылья, заўважыў myfin.by.
15.07.2024 / 09:00
Фота: BrunoRguezP / Х
Кіраўнікі кубінскага МЗС адзначыў, што біятэхналагічны і фармацэўтычны сектары вострава працягваюць дабівацца высокіх вынікаў, нягледзячы на цяжкасці, выкліканыя ўзмацненнем санкцый з боку ЗША.
Вакцыну ад раку лёгкіх CimaVax распрацаваў Цэнтр малекулярнай імуналогіі Кубы, яна пачала прымяняцца на востраве ў 2011 годзе.
За апошнія гады яна была адобрана ў Аргенціне, Босніі і Герцагавіне, Казахстане, Калумбіі, Парагваі, Перу.
У снежні 2023 года стала вядома пра тое, што дзяржаўнае фармацэўтычнае прадпрыемства «Акадэмфарм» супрацоўнічае з кубінскімі партнёрамі па пытанні рэгістрацыі і вытворчасці вакцыны ад раку лёгкіх.