U Biełarusi zarehistravali kubinskuju vakcynu ad raku lohkich
Kubinskaja vakcyna ad raku lohkich CimaVax atrymała miedycynskuju rehistracyju ŭ Biełarusi. Pra heta ŭ svaim akaŭncie ŭ tvitary paviedamiŭ ministr zamiežnych spraŭ Kuby Bruna Radryhies Parylja, zaŭvažyŭ myfin.by.
15.07.2024 / 09:00
Fota: BrunoRguezP / Ch
Kiraŭniki kubinskaha MZS adznačyŭ, što bijatechnałahičny i farmaceŭtyčny siektary vostrava praciahvajuć dabivacca vysokich vynikaŭ, niahledziačy na ciažkaści, vyklikanyja ŭzmacnieńniem sankcyj z boku ZŠA.
Vakcynu ad raku lohkich CimaVax raspracavaŭ Centr malekularnaj imunałohii Kuby, jana pačała prymianiacca na vostravie ŭ 2011 hodzie.
Za apošnija hady jana była adobrana ŭ Arhiencinie, Bośnii i Hiercahavinie, Kazachstanie, Kałumbii, Parahvai, Pieru.
U śniežni 2023 hoda stała viadoma pra toje, što dziaržaŭnaje farmaceŭtyčnaje pradpryjemstva «Akademfarm» supracoŭničaje z kubinskimi partniorami pa pytańni rehistracyi i vytvorčaści vakcyny ad raku lohkich.