U Połacku admianili fiestyval anime i K-pop, bo jon «prapahanduje niapravilnyja kaštoŭnaści»
Novy kiraŭnik miascovaha doma kultury pajšoŭ na pryncyp i nie dazvoliŭ sabracca amataram japonskaj i karejskaj kultury.
15.07.2024 / 10:38
Fiestyval anime i K-pop pavinien byŭ prajści ŭ haradskim domie kultury ŭ Połacku 27 lipienia. Adnak arhanizatar paviedamiŭ, što mierapryjemstva admianiajecca.
Viečarynu zabaraniŭ pravodzić novy dyrektar doma kultury.
«Na žal, kampaj u Połacku admianili. Z 1 lipienia 2024 u DK novy dyrektar. Jon ličyć, što anime prapahanduje niapravilnyja kaštoŭnaści. Tydzień vioŭ pieramovy. Ja nie zmoh jaho pierakanać, što kampaj biaskryŭdny dziciačy ranišnik 12+», — napisaŭ arhanizatar.
U ramkach fiestyvalu płanavaŭsia konkurs kaspleju, turnir pa tancavalnaj videahulni i šmat muzyki ŭ žanry K-pop.