Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka
Kolkaść achviar navalnicaŭ na vychodnych vyrasła da čatyroch.
15.07.2024 / 10:32
Viečaram 14 lipienia dziaŭčynka z mamaj i ciotkaj nakiroŭvalisia na elektryčku da čyhunačnaha prypynačnaha punkta «Tekstylščyk». Raptam u darozie ich zaśpieła niepahadź. Mocnyja paryvy vietru pryviali da padzieńnia dreŭ, pad adnym ź jakich apynulisia žančyny i małaja. paviedamlaje SK
Ad udaru abrušyłasia biarozy maci dziaŭčynki straciła prytomnaść, małuju prycisnuła stvałom. Druhaja žančyna abyšłasia niaznačnymi ŭdarami i stała dastavać paciarpiełych z-pad dreva, a zatym vyklikała chutkuju.
Niahledziačy na apieratyŭnyja reanimacyjnyja dziejańni miedykaŭ, dzicia pamierła ŭ mašynie chutkaj dapamohi.
Raniej paviedamlałasia, što ad niepahadzi zahinuli try čałavieki. U kiempinhu «Klovaje miesca» kala vioski Kučki na Vilejskim vadaschoviščy 35-hadovy mužčyna, dziaŭčyna pad Minskam, jakaja viartałasia ź plažu, a taksama 13-hadovy chłopčyk u letniku ŭ Rečyckim rajonie.