U Homielskaj vobłaści abjaŭlena nadzvyčajnaja situacyja
Kiraŭnik rehijonu Ivan Krupko abviaściŭ pra stvareńnie apieratyŭnaha štaba.
15.07.2024 / 13:10
Skrynšot videa: Homielščyna aficyjna
Staršynia Homielskaha abłvykankama Ivan Krupko abviaściŭ u vobłaści nadzvyčajnuju situacyju ŭ suviazi ŭrahanam, jaki prakaciŭsia pa rehijonie napiaredadni.
Niahledziačy na kruhłasutačnuju pracu ŭsich słužbaŭ, na ranicu paniadziełka zastajucca abiastočanymi Mazyr, Jelsk, Kalinkavičy, Lelčycy, Naroŭla. Parušana elektrazabieśpiačeńnie kala 1150 nasielenych punktaŭ, paviedamili ŭ pres-słužbie abłvykankama.
«Pryniata rašeńnie abjavić u halinie nadzvyčajnuju situacyju i sfarmiravać apieratyŭny štab. Śpiecyjalnyja słužby: enierhietyki, ratavalniki, leśniki, ŽKH, milicyja praciahvajuć pracavać u kruhłasutačnym režymie.
Stvarajucca dadatkovyja bryhady pa rasčystcy lasnych zavałaŭ dla maksimalna chutčejšaha dostupu enierhietykam da ŁEP. U kruhłasutačnym režymie nasielnictva budzie zabiaśpiečana pitnoj vadoj až da poŭnaha adnaŭleńnia vodazabieśpiačeńnia», — zajaviŭ Krupko.
Kiraŭnik abłvykankama prynios spačuvańni rodnym i blizkim zahinuŭšych z-za ŭrahanu.