Raspačaŭsia zavočny sud nad eks-supracoŭnicami Tut.by
Minski haradski sud 15 lipienia pačaŭ razhladać kryminalnuju spravu ŭ dačynieńni byłych palitźniavolenych žurnalistak Volhi Łojki i Aleny Tałkačovaj, a taksama jurystki Kaciaryny Tkačenki, piša «Viasna».
15.07.2024 / 15:36
Ich zatrymlivali razam ź inšymi kalehami 18 traŭnia 2021 hoda padčas mocnaj ataki na Tut.by. Za kratami palitźniavolenyja prabyli kala 10 miesiacaŭ. Ich vyzvalili, źmianiŭšy miery strymańnia, ale abvinavačvańni ź ich nie byli źniatyja — ich pačynali sudzić pa «spravie Tut.by» razam z Marynaj Zołatavaj i Ludmiłaj Čekinaj. Na sud palitźniavolenyja nie źjavilisia, bo źjechali ź Biełarusi, tamu ich spravy vyłučyli ŭ asobnuju vytvorčaść.
Ciapier sprava suprać eks-supracoŭnic zavočna razhladajecca pavodle čatyroch artykułaŭ Kryminalnaha kodeksa:
- č. 3 art. 130 (raspalvańnie inšaj sacyjalnaj varožaści),
- č. 2 art. 243 KK (uchileńnie ad vypłaty padatkaŭ),
- č. 1 art. 342 KK (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich),
- č. 3 art. 361 KK (zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Biełarusi).
Praces viadzie sudździa Valancina Ziańkievič.
Łojka — pra kašalkoŭ Łukašenki, pamyłku Babaryki i padtrymku Makieja. Hladzicie «Tok»