U Biełarusi nie buduć reahavać na ŭviadzieńnie Łatvijaj zabarony ŭjezdu dla biełaruskich aŭtamabilaŭ
Pres-sakratar Ministerstva zamiežnych spraŭ Biełarusi Anatol Hłaz patłumačyŭ, jakija simietryčnyja kroki ŭ adkaz urad Biełarusi budzie rabić paśla ŭviadzieńnia Łatvijaj zabarony z 16 červienia na pierasiačeńnie svajoj miažy biełaruskimi aŭtamabilami. Pavodle jaho, nijakaj reakcyi nie budzie.
15.07.2024 / 19:31
Anatol Hłaz. Skrynšot ź videa ANT
«Heta ŭdar pa zvyčajnych ludziach. Całkam zrazumieła, što ŭ pieršuju čarhu pacierpiać źmiašanyja siemji, hramadzianie dźviuch krain, jakija jeździać da svaich svajakoŭ, turysty ź dziećmi, padarožniki i hetak dalej. Tamu my ličym hety krok biesčałaviečnym i antyhumannym», — havorycca ŭ zajavie Anatola Hłaza dla rasijskaha aficyjnaha ahienctva «RIA-Novosti».
Tamu, pavodle pradsaŭnika MZS, u biełaruskaha boku niama namieraŭ prymać simietryčnyja miery suprać hramadzian Łatvii.
«My adkrytyja i zacikaŭlenyja ŭ raźvićci kantaktaŭ z susiedziami, u tym liku ŭ ramkach dziejnaha dla łatyšoŭ biaźvizavaha režymu dla naviedvańnia našaj krainy», — skazaŭ Hłaz.
Łatvija z 16 lipienia zabaraniaje ŭjezd mašyn ź biełaruskimi numarami
Biełaruś adreahuje na novyja sankcyi ES pastrožvańniem pravił impartu zachodnich tavaraŭ
«U Biełarusi heta sapraŭdy raskoša». MZS Armienii tonka patroliła Łukašenku ŭ adkaz na słovy Hłaza