Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?
Usio čaściej siłaviki šukajuć kantakty biełarusaŭ, jakija vyjechali z krainy, i prosiać ich dasłać svoj adras pražyvańnia. Raspaviadajem, što adbyvajecca.
15.07.2024 / 22:07
Kałaž «Našaj Nivy»
My znajšli kala 20 vypadkaŭ, kali biełarusam, što ciapier za miažoj, pisali siłaviki i pytalisia adras pražyvańnia. Heta byli jak byłyja palitviaźni, hetak i prosta ludzi, jakija vyjechali paśla 2020 hoda. Častka ź ich dasłała svoj adras, častka — nie.
Niekatorych prasili vysłać damovy arendy žylla. Inšych, na kaho zaviali kryminalnyja spravy, — dasłać raśpisku: paznačyć, dzie žyvieš, i napisać, što kali vierniešsia ŭ Biełaruś, abaviazuješsia javicca ŭ orhany.
Jurystka «Viasny» Śviatłana Hałaŭniova tłumačyć, navošta siłavikam adrasy biełarusaŭ:
- Čałaviek znachodzicca na ŭliku paśla adbyćcia pakarańnia, i, kab siłavikam bolš nie pracavać pa im, treba paćvierdžańnie, što čałaviek źjechaŭ.
- Zaviedziena kryminalnaja sprava, i milicyi treba padstavy, kab padać u vyšuk i takim čynam zaviaršyć pracu pa kryminalnaj spravie.
- Patrebnyja padstavy, kab raspačać kryminalnuju vytvorčaść.
Pry kamunikacyi ź siłavikami jurystka raić davać tolki nieabchodny minimum infarmacyi, źviestki pra vaša miesca pražyvańnia lepš nie raskryvać.
«Lepiej za ŭsio vietliva rastłumačyć, što vy hetuju infarmacyju pa telefonie kazać nie budziecie. I ŭvohule skarystajeciesia svaim pravam nie śviedčyć suprać siabie i svaich blizkich», — kaža Śviatłana.
Navošta siłaviki vypytvajuć pra telehram-akaŭnty biełarusaŭ, navat tych, chto za miažoj?