Adnaho z najlepšych biełaruskich trenieraŭ pa nastolnym tenisie sudziać za «sadziejničańnie ekstremisckaj dziejnaści»
63-hadovy mužčyna pryśviaciŭ svajo žyćcio reabilitacyi ludziej ź invalidnaściu praz nastolny tenis. Ciapier jamu pahražaje da šaści hadoŭ kałonii.
17.07.2024 / 10:01
Juryj Łahadziuk. Fota: bttf.by
Juryj Łahadziuk bieraściejec. Bolš za tryccać hadoŭ jon pracuje trenieram pa nastolnym tenisie. Juryj — adziny sudździa mižnarodnaj katehoryi pa hetaj dyscyplinie ŭ Bresckaj vobłaści. Raniej jon byŭ členam praŭleńnia biełaruskaj Fiedieracyi nastolnaha tenisa.
Taksama Łahadziuk viadomy jak adzin z najlepšych trenieraŭ Biełarusi pa invasporcie. Jon treniruje ludziej z prablemami aporna-ruchalnaha aparata. Jaho hadavancy niaredka vyjhrajuć na čampijanatach jak u Biełarusi, hetak i ŭ inšych krainach. Mužčyna dapamoh sotniam ludziej ź invalidnaściu žyć zvyčajnym žyćciom.
Sud nad Juryjem Łahadziukom pačniecca 24 lipienia ŭ Bresckim abłasnym sudzie. Sudziać jaho za «sadziejničańnie ekstremisckaj dziejnaści». Heta moža być jak kamientar «niapravilnamu» resursu, hetak, naprykład, i pieravod hrošaŭ palitviaźniu.
Trenieru pahražaje da šaści hadoŭ kałonii.
Za danaty buduć sudzić adnaho z najlepšych trejłranieraŭ Biełarusi
Kaho sadziać za danaty, a kamu dazvalajuć adkupicca. Voś jakaja łohika
Ja achviaravaŭ u fondy. Jak zrazumieć, što ja ŭ niebiaśpiecy?