«Bielinviestbank» zaklikaŭ klijentaŭ zrabić try kroki, kab praz tydzień nie zastacca biez mabilnaha bankinhu
U pres-słužbie «Bielinviestbanka» papiaredzili, što z 22 lipienia staryja viersii mabilnaha bankinhu pracavać nie buduć. Dla taho, kab i dalej karystacca pasłuhami i servisami, treba abnavić mabilnuju prahramu da aktualnaj, udaskanalenaj, viersii. Zrabić heta možna ŭsiaho za try prostyja kroki.
15.07.2024 / 21:58
Fota: belinvestbank.by
«Rehularnaje abnaŭleńnie kanałaŭ dystancyjnaha absłuhoŭvańnia — vaša mahčymaść zrabić ułasnyja płaciažy i anłajn-pieravody jašče bolš abaronienymi. Adklučeńnie sastarełych viersij mabilnaha bankinhu zapłanavana na 22 lipienia», — adznačyli supracoŭniki «Bielinviestbanka» i raskazali, jak abnavić viersiju za paru chvilin.
- Dla pačatku treba zaviaršyć pracu staroj, sastarełaj viersii. Dla hetaha patrabujecca ŭvajści ŭ raździeł «Nałady» i vybrać punkt «Zaviaršyć sieans».
- Dalej treba vydalić viersiju prahramy 2.19.0.
- Uładalnikam mabilnych pryład na apieracyjnaj sistemie Android nieabchodna spampavać novy APK-fajł, jaki možna znajści pa spasyłcy.
Prahrama pracuje na pryładach z AS Android, viersija jakich 6.0 i vyšejšaja. Kali apieracyjnaja sistema pryłady nižejšaja za paznačanuju, u banku parekamiendavali vykarystoŭvać Web-viersiju, jakuju možna spampavać tut.
Biełaruskija banki papiaredzili, što z 1 lipienia pierastanuć praciahvać terminy płaciežnych kartak
Z 1 lipienia piensii biełarusam zbolšaha buduć vydavać tolki banki