Unačy šachied znoŭ zalacieŭ u Biełaruś
Unačy 16 lipienia dron-kamikadze ŭ treci raz za apošni čas zajšoŭ u pavietranuju prastoru Biełarusi, piša «Biełaruski Hajun».
16.07.2024 / 08:53
Pa danych kanała, šachied zajšoŭ u Biełaruś u rajonie vioski Biełaja Saroka na terytoryi Paleskaha radyjacyjna-ekałahičnaha zapaviednika i ruchaŭsia na poŭnač, u napramku Chojnikaŭ. Dalej dron ździejśniŭ pavarot na paŭdniovy ŭschod i, abychodziačy Brahin, nakiravaŭsia ŭ bok pasiołka Kamaryn.
Užo ŭ 5 ranicy šachied pakinuŭ Biełaruś i viarnuŭsia na terytoryju Ukrainy.
Dron-kamikadze pravioŭ na terytoryi našaj krainy kala 50 chvilin i pralacieŭ nie mienš za 60 km. Pa danych «Hajuna», paloty avijacyi VPS RB u pakazanym rajonie ŭ hety čas nie fiksavalisia.
U Biełaruś znoŭ zalacieŭ šachied. Hetym razam jon dabraŭsia da Viciebska
Učora na Biełaruś zalacieŭ rasijski šachied. Što heta było?